فكرنا في طرق كتير علشان نفرحه في عيد ميلاده، طبيعي لما بتفكر تجيب هدية لعزيز عليك في عيد ميلاده بتختار أكتر حاجة بيحبها وممكن تفرحه، فما بالك لو الشخص ده هو محمد الجارحي
احنا مجموعة كبيرة من أصحابه وحبايبه، حبايب الجدع محمد الجارحى صاحب فكرة إنشاء مستشفى ٢٥ يناير اللي هيعالج ملايين بالمجان ،واكيد عارفين أنه أكتر حاجة بتفرح صاحبنا هو أي دعم بيتقدم لحلمه اللي سعى كتير وتعب سنوات لتحقيقه، بنقوله في عيد ميلاده كل سنة وأنت طيب وملهم كالعادة يا مخلص يا محبوب يا جدع ، هديتنا ليك السنادي في عيد ميلادك هي حملة تبرعات بندعم بيها حلمك ( مستشفى ٢٥ يناير) ويارب تفرحك
وبندعو كل محبيين محمد الجارحى اللي نفسهم يفرحوه ويهادوه في عيد ميلاده انهم يدخلوا ويشاركوا في حملتنا.
