25 jan

سين و جيم

حملة فيروس كورونا

س 1

1-إنشاء وحدة رعاية مركزة سعة 25 سرير بتكلفة 5 ملايين جنيه

2-إعلان وضع مستشفى 25 يناير تحت أمر وتصرف وزارة الصحة

3-حملة تعقيم المدارس والمنشآت الحكومية والمساجد في الشرقية

عن المؤسسة

س 1

علاج المصريين بالمجان وتقديم خدمة طبية شاملة آمنة وآدمية بأفضل الأطباء وأحدث التكنولوجيا دون تفرقة أو تمييز أو عنصرية.

س 2

أن نكون الاختيار الأفضل والأول للمرضى والأطباء فى الشرقية والوجه البحرى .

أسئلة قانونية

س 1

احنا مؤسسة أهلية غير هادفة للربح بدأنا كجمعية أهلية سنة 2011 مشهرة في مديرية التضامن في الشرقية وفي سنة 2017 حولناها إلى مؤسسة مشهرة مركزياً في الإدارة المركزية للجمعيات والمؤسسات في وزارة التضامن الإجتماعي، مقر المؤسسة الرئيسي في المهندسين بالجيزة ومقر المستشفى في الشرقية وتحديداً في قرية الشبراوين على بعد 10 كيلو متر من الزقازيق العاصمة.

س 2

عندنا ترخيص جمع مال صادر من وزارة التضامن الاجتماعي وده بيتم تجديده سنويا وكل طريقة تبرع بيتاخد بيها تصريح وبعد كده الوزارة بتراجع وتعمل تصفية لكل ترخيص على حدة

س 3

أيوه يا أفندم فيه علاج بالمجان، وفيه نماذج وتجارب كبيرة سبقتنا في العلاج بالمجان، وشعارنا كمستشفي 25 يناير هو من إنسان إلى إنسان للعلاج بالمجان، مش بس كدا، مفيش تمييز للناس، والمستشفى كمان لكل الأعمار، بنحاول نقدم الخدمة الأساسية اللي بيحتاجها كل مواطن، واللي هيساهم في علاجه هو مواطن زيه

س 4

احنا عندنا حلم، والحلم دا إننا نبني صرح طبي يقدم خدمة طبية على أعلى مستوى بالمجان، علشان كدا أي حاجة بنعملها بيشرف عليها المتخصصين، لما فكرنا في الإنشاءات رحنا لمكتب استشاري كبير، وهو واحد من أكبر بيوت الخبرة الهندسية في مصر

س 5

دا كلام غير صحيح، وكل مليم بيتم توجيهه للمستشفى، ومجلس أمناء المؤسسة متطوع ولا يتقاضى مليماً بل يساهم من ماله ووقته ومجهوده، ومرتبات الموظفين اللي شغالين في المؤسسة ليس فيها أي مغالاة وأقل من المعمول به في الوظائف المشابهة في أي جهة، ومن الحاجات الحلوة اللي بنفخر بيها في المؤسسة هي الشفافية التامة في التعامل مع المتبرعين، من أول ما بدأنا المشروع بننشر التبرعات وايصالات المتبرعين، وكمان بننشر الميزانية السنوية و كل ما نتلقاه من تبرعات على الموقع الرسمي، كمان بنقدم كشف حساب وبنخطر المتبرعين بالتطورات الجديدة باستمرار، وليس لدينا مانع إن أي حد يجي يشوف كشوف المرتبات وكل الدفاتر والأوراق والمستندات الخاصة بنا.

برامج التبرع

س 1

كل طرق التبرع متاحة، عندنا حسابات في 18 بنك وماكينات الصراف الألي في البنك الأهلي والبنك التجاري الدولي ومتاح التبرع من خلال فوري والبريد وفودافون كاش والرسائل النصية وأونلاين بالفيزا أو ماستر كارد من خلال موقعنا وكل التفاصيل متاحة عبر الرابط التالي https://25hospital.org/donations/

س 2

أيوه، ممكن حضرتك تتبرع عيني طبقًا لإحتياجات المستشفى واللي تتمثل في الأجهزة الطبية وغير الطبية وطبقًا للمواصفات الموضوعة من الإستشاري الخاص بالمستشفى كحضانات الأطفال ومستلزماتها وأجهزة الأشعة (جهاز سونار رباعي الأبعاد وإكس راي) وغيرها.

س 3

أجازت دار الأفتاء المصرية التبرع بزكاة المال للمستشفي الذي يخفف فرط الألم عن المرضي وتصرف قيمة الزكاة على الأجهزة الطبية و الأدوية ومصاريف العلاج والإقامة وكفالة سرير مريض وأيضا مصاريف العمليات الجراحية والأشعة

خدماتنا

س 1

احنا مركزين على مشكلة حضانات الأطفال والعناية المركزة وعندنا دور كامل ليهم كمان عندنا قسم للطوارئ علشان حوادث الطرق وغيرها وعندنا دور للعمليات وقسم للعيادات الخارجية في كل التخصصات ومعمل تحاليل وقسم للأشعة وصيدلية ودورين كاملين لغرف الإقامة.

مكان المستشفى

س 1

المستشفى في الشرقية، محافظة عدد سكانها 8 مليون إنسان، مش بس كدا، المستشفى في قرية، والقرى أحوج ناس للمستشفيات، تحديداً في قرية الشبراوين التي تتبع مركز ههيا، على بعد 10 كيلو متر من الزقازيق، وما يميز المستشفى إنه سهل الوصول إليه من كل المناطق المحيطة به.

س 2

طبعاً، دا شيء يشرفنا، حضرتك أو من تحب تقدر تشرفنا في أي وقت طول أيام الأسبوع من 9 صباحا إلى 5 مساء عدا الجمعة في المقر الرئيسي للمؤسسة في القاهرة أو تنورنا في المستشفى في الشرقية في أي وقت.

عنوان المؤسسة: 76 ش جامعة الدول العربية المهندسين – الجيزة

الخريطة: https://goo.gl/maps/mokSsFXtnN52

عنوان المستشفى: قرية الشبراوين – مركز ههيا – الشرقية

الوصول عبر الخرائط: https://goo.gl/maps/N8F64z99PG82